About Us

Job Vacancies

1. БАЙГУУЛЛАГЫН ТАНИЛЦУУЛГА

Байгаль, зэрлэг амьтдыг хамгаалах нийгэмлэг (WCS) нь 1895 онд байгуулагдсан, дэлхийн 60 гаруй улсад үйл ажиллагаа явуулж буй төрийн бус байгууллага юм. WCS нь зэрлэг амьтан, тэдгээрийн амьдрах орчныг хамгаалах чиглэлээр шинжлэх ухаанд суурилсан судалгаа, байгаль хамгааллын хөтөлбөрүүдийг хэрэгжүүлдэг.

2. МОНГОЛ ДАХЬ ТӨЛӨӨЛӨГЧИЙН ГАЗРЫН ТАНИЛЦУУЛГА

WCS нь Монгол улсад сүүлийн 20 гаруй жилийн турш шинжлэх ухаанд суурилсан, талуудын  оролцоог түшиглэсэн байгаль хамгааллын төсөл, хөтөлбөрүүдийг үндэсний болон орон нутгийн түвшинд хэрэгжүүлж ирсэн бөгөөд 2025 оноос Даян Дэлхийн Байгаль Орчны Сан (GEF)-гийн санхүүжилттэй НҮБ-ын Хүнс, Хөдөө Аж Ахуйн Байгууллага (FAO), Байгаль орчин, уур амьсгалын өөрчлөлтийн яам (БОУАӨЯ)-тай хамтран Байгаль, зэрлэг амьтдыг хамгаалах нийгэмлэгээс хэрэгжүүлж буй “Хангай бүсийн уулын ландшафтыг нөхөн сэргээж, хамгаалах замаар экосистемийн үйлчилгээ болон орон нутгийн иргэдийн амьжиргааг сайжруулах” төслийн хүрээнд төсөл хэрэгжих аймгууд болон сумдын ой, бэлчээр, усны нөөцийг нөхөн сэргээх зорилтыг хэрэгжүүлэхээр талуудтай хамтран ажиллаж байна.

3. АЖЛЫН ҮНДЭСЛЭЛ

WCS-ийн Монгол дахь төлөөлөгчийн газар нь Даян Дэлхийн Байгаль Орчны Сан (GEF)-гийн санхүүжилттэй НҮБ-ын Хүнс, Хөдөө Аж Ахуйн Байгууллага (FAO), Байгаль орчин, уур амьсгалын өөрчлөлтийн яам (БОУАӨЯ)-тай хамтран Байгаль, зэрлэг амьтдыг хамгаалах нийгэмлэгээс хэрэгжүүлж буй “Хангай бүсийн уулын ландшафтыг нөхөн сэргээж, хамгаалах замаар экосистемийн үйлчилгээ болон орон нутгийн иргэдийн амьжиргааг сайжруулах” төслийг хэрэгжүүлж байгаа сумдуудтай хамтын ажиллагааны хүрээнд, тариалангийн газрын хөсний элэгдэл, эвдрэлийг сааруулах хамгаалалтын зурвас бий болгох зорилгоор Архангай аймгийн Цэнхэр суманд 35 га тариалангийн талбайг тойруулан мод,  модлог ургамал тарих ажлыг зохион байгуулна.

4. АЖЛЫН ЗОРИЛГО

Энэхүү ажлын зорилго нь Архангай аймгийн Цэнхэр суманд 35 га тариалангийн талбайг тойруулан хөрсний элэгдэл, эвдрэлийг сааруулах хамгаалалтын зурвас бий болгох мод, модлог ургамал тарих арга хэмжээг хамтран зохион байгуулахад оршино.

5. АЖЛЫН ХАМРАХ ХҮРЭЭ

Нийлүүлэгч нь энэхүү ажлын даалгавар болон техникийн үзүүлэлтэд заасан суулгацыг нийлүүлэх.

Нийлүүлэгч нь дараах ажлыг бүрэн хариуцан гүйцэтгэнэ:

1. Техникийн үзүүлэлтэд заасан шаардлагад нийцсэн суулгацыг нийлүүлэх;
2. Нийлүүлэх суулгацын чанар, иж бүрдэл, хэмжээг баталгаажуулж чанарын хяналт хийх;
3. Суулгацыг шаардлагатай сав баглаа боодолтойгоор аюулгүй тээвэрлэх;
4. Суулгацыг захиалагчийн заасан байршилд хүргэж, хүлээлгэн өгөх;
5. Суулгацыг өгөх үед шаардлагатай дагалдах баримт бичиг (гарал үүслийн гэрчилгээ, чанарын гэрчилгээ, нөхөн тарилтын хянадтын мэдээлэл зэрэг)-ийг хавсаргах;
6. Техникийн үзүүлэлтэд заасан бүх шаардлагыг бүрэн хангасан барааг гэрээнд тусгасан хугацаанд нийлүүлэх.

6. ТЕХНИКИЙН ҮЗҮҮЛЭЛТ

Нийлүүлэгч нь доорх үзүүлэлтийг хангасан суулгацуудыг нийлүүлж, чанарын хяналт хийж, шаардлагатай тохиолдолд захиалагчид нөхөн тарилт хийх суулгацаар хангах ажлыг гүйцэтгэх ба дараах 2 зүйлийн сонголтын аль нэгийг хангасан байна.

7. ЕРӨНХИЙ ШААРДЛАГА

Техникийн ерөнхий шаардлага:

• Монгол улсын холбогдох стандартын шаардлага хангасан байх
• +50°C-аас -50°C хүртэлх нөхцөлд ашиглах боломжтой байх
• Үйлдвэрлэлийн гэмтэлгүй байх
• Тээвэрлэлтийн явцад гэмтээгүй байх
• Нийлүүлэх хугацааг үнийн саналд тодорхой тусгах

Тээвэр, хүргэтлийн шаардлага:

• Барааг тээвэрлэлтийн явцад эвдрэл, гэмтлээс хамгаалж, дараах байршилд хүргэх: WCS Улаанбаатар оффис
• Тээврийн зардлыг нийлүүлэгч хариуцах тул бодит тооцоолол бүхий задаргааг үнийн саналд тусгах

Нийлүүлэгчид тавигдах шаардлага:

• Суулгац нийлүүлж байсан туршлагатай байх

• Монгол Улсад албан ёсоор бүртгэлтэй хуулийн этгээд байх (Улсын бүртгэлийн гэрчилгээний хуулбар)
• Чанарын үзүүлэлтийн тодорхойлолт (гарал үүслийн гэрчилгээтэй бол давуу тал болно)
• Барааг гэрээний хугацаанд бүрэн нийлүүлэх боломжтой байх (хүргэх боломжтой бол давуу тал болно).

8. ТӨЛБӨРИЙН НӨХЦӨЛ

9. ХЯНАЛТ ТАЙЛАГНАЛТ

Нийлүүлэгч нь гэрээ байгуулснаас хойш гүйцэтгэх явцад WCS Монгол төлөөлөгчийн газрын нөхөн сэргээлт, биологийн олон янз байдлын асуудал хариуцсан мэргэжилтэн болон техникийн ахлах зөвлөхтэй хамтран ажиллана. Бараа материалыг нийлүүлэх үед техникийн үзүүлэлт, тоо хэмжээ болон чанарын шаардлагыг захиалагч талын төлөөлөл шалгаж, хүлээн авч, гарын үсгээр баталгаажуулна.

10. ҮНИЙН САНАЛЫН ҮНЭЛГЭЭНИЙ ШАЛГУУР

Гүйцэтгэгчийг сонгоход WCS-ийн тухайн худалдан авалтыг хариуцсан үнэлгээний баг ажиллах бөгөөд ирүүлсэн үнийн саналыг дараах шалгуурын дагуу үнэлнэ:

• Туршлага, нийлүүлэх хугацаа: өмнө нь суулгац нийлүүлж байсан туршлагатай байх, нийлүүлэлтийн дэлгэрэнгүй хуваарь болон эцсийн нийлүүлэх хугацааг саналд тусгах (үнэлгээний жин: 30%)
• Үнийн санал: холбогдох татвар, хураамжийг багтаасан дэлгэрэнгүй төсвийн задаргааг ирүүлэх (үнэлгээний жин: 30%)
• Техникийн шаардлагад нийцсэн байдал: Суулгацын чанарын үзүүлэлтэд бүрэн нийцсэн хэмжээ, чанар хангасан болон гарал үүслийн гэрчилгээ олгох бол давуу тал болно (үнэлгээний жин: 40%)

11. ГЭРЭЭНИЙ ХУГАЦАА

Гэрээ байгуулснаас хойш 5 хоногийн дотор нийлүүлэлтийг бүрэн гүйцэтгэнэ.

12. ҮНИЙН САНАЛ ИРҮҮЛЭХ

Нийлүүлэгч дараах мэдээллийг агуулсан үнийн саналыг ирүүлэх:

• Ажлын туршлагын мэдээлэл
• Нэгж үнэ
• Нийт үнэ
• НӨАТ
• Хүргэлтийн нөхцөл, нийлүүлэх хугацаа (хүргэлтийн нөхцлөөс хамааран тээврийн зардлыг тусдаа тооцоолж үнийн саналд хавсаргана)
• Баталгаат хугацаа (Чанарын баталгаа)
• Бүтээгдэхүүний техникийн тодорхойлолт
• Үйлдвэрлэгчийн болон гарал үүслийн мэдээлэл

13. САНАЛ ХҮЛЭЭН АВАХ

Сонирхсон нийлүүлэгчид дараах материалыг нэг файл болгон ирүүлнэ.

1. Үнийн санал – техникийн үзүүлэлтэд заасан бараа тус бүрийн нэгж үнэ, нийт үнэ, татвар, тээврийн болон бусад холбогдох зардлыг багтаасан байна.
2. Техникийн санал – нийлүүлэх барааны техникийн үзүүлэлт, үйлдвэрлэгчийн мэдээлэл, каталог, техникийн хуудас болон шаардлагатай бол чанарын гэрчилгээ.
3. Байгууллагын хууль эрх зүйн баримт бичиг – улсын бүртгэлийн гэрчилгээний хуулбар болон бусад холбогдох баримт.
4. Бараа материал нийлүүлэлтийн туршлага – сүүлийн 2 жилийн хугацаанд хэрэгжүүлсэн нийлүүлэлтийн талаарх товч мэдээлэл.
5. Лавлагаа – өмнө хамтран ажилласан дор хаяж хоёр байгууллагын холбоо барих мэдээлэл.